زاگرۆس پۆست
چوار كەس لە زیندانیانی سیاسی زیندانی رەجایی شاری كەرەج بە هەڵگرتنی پلاكارتێك پشتیوانی خۆیان لە خەڵكی خۆڕاگری كۆبانی كە نزیك بە 40 رۆژە بەرانبەر بە چەكدارانی داعش موقاومەت دەكەن، دەربڕی.
بە پێی راپۆرتی كەمپەینی بەرگری لە زیندانیانی سیاسی و مەدەنی: ئەم زیندانیانە لە سەر پلاكارتەكەیان نووسیویانە “ئێمە هەموومان خەڵكی كۆبانیین” پشتیوانی خۆیان لەو بەرخۆدانە مەزنە دەربڕیوە.
ناوی ئەم زیندانیە سیاسی و چالاكە كرێكارییە بەندكراوانە بریتیە لە: ئەفشین حەیرەتیان، وەحید ئەسغەری، بێهنام مەدەدزادە و خالێد حەرانی.
شایانی باسە، ژمارەیەكی دیكە لە زیندانیانی سیاسی كورد و ئێرانی پێشتر پتشوانی خۆیان لە خەڵكی كۆبانێ راگەیاندبوو و بەرچاوترینی ئەو زیندانیانە “عەلی مورادی و كەماڵ شەریفی” بوون كە لە زیندانی شاری میناب راگیراون.
