زاگرۆس پۆست
ژمارەیەكی بەچاو لە خەڵكی شاری ئیسفەهان لە ناڕەزایی بە تێزاو رژاندن بە دم و چاو و روومەتی ژنانی شارەكە، لە بەردەم دادگوستەری كۆماری ئیسلامی لە ئیسفەهان كۆبوونەوەیەكی ناڕەزایی دەربڕنیان بەڕێوە برد.
بە پێی ئەو هەواڵانەی بڵاو كراونەتەوە، بە سەدان كەس لە خەڵكی شاری ئیسفەهان لە ناڕەزایی بە رژاندنی تێزاو بە روومەتی ژنان و كچانی شارەكەیان لە لایەن كەسانێكی نەناسراو و سووتانی دم و چاوی ئەو ژن و كچانە كۆبوونهەوەیەكی بەرنیان لە بەردەم دادگوستەری ئیسفەهان بەڕێوە برد.
شایانی باسە، لە ماوەی رابردوودا زیاتر لە 15 ژن و كچ لە شاری ئیسفەهان لە لایەن كەسانی نەناسراو بە تاوانی ئەوەیكە حیجابی شەرعیان نەبووە تێزاویان بە روومەتیاندا رژاندووە و بەم هۆیەوە دم و چاویان بە تەواوەتی سووتاوە.
ئەمەش لەحاڵێكدایە كە كەسانی توندڕەوی نێو ریزەكانی كۆماری ئیسلامی ئێران بە ئەنجامدانی ئەو كردەوە دژە مرۆییانە تاوانبارن.
دەتوانن فیلمی ئەم خۆپیشاندانە لە لینكی خوارەوە ببینن :
https://www.facebook.com/video.php?v=988672177813543&set=vb.858832800797482&type=2&theater
