سێ شه‌ممه‌ 31 كانونی دووه‌م 2023

قوتابخانه‌یه‌کی ده‌وڵه‌تیی دێولان داوای پاره له خوێندکاران ده‌کات

به گوێره‌ی هه‌واڵه‌کان له دێولانه‌‌وه به‌م دواییانه  قوتابخانەیه‌ک له‌و شاره به‌ ناوی شەریعەتی كە قوتابخانەیەكی دەوڵەتیە، دوای تێپە‌ڕبوونی زیاتر لە دوو مانگ به‌سه‌ر دەسپێكی وەرزی خوێندندا، داوای پارە لە خوێندکاران دەكات. بە پێی هەواڵێک له‌و په‌یوه‌ندییه‌دا که به ناوه‌ندی هه‌واڵی ئاسۆسات گه‌یشتووه بەرپرسانی ئەم قوتابخانە بە باوك‌و دایكی منداڵانی قوتابخانەکه‌یان وتووە كە دەبێ بۆ هه‌ر خوێندکارێک  200 هەزار تمەن  بدەن و لە ئەگەری نەدانی ئەم پارەیە رێگە به خوێندکاران نادەن بچنە سەر كلاسەكانی خوێندن.

وه‌رگرتنی پاره له لایه‌ن قوتابخانه ده‌وڵه‌تییه‌کان له سیستێمی په‌روه‌رده‌ی ئێراندا نایاساییه، به‌ڵام ئه‌وه‌ یه‌که‌مجار نییه که قوتابخانه ده‌وڵه‌تییه‌کان داوای پاره له خوێندکاران ده‌که‌ن‌و سه‌ره‌ڕای ناڕه‌زایه‌تیی هاوڵاتییانیش به‌و پێشێلکارییانه، لایه‌نی په‌یوه‌ندیدار وه‌ڵامده‌ر نه‌بووه.

شایانی باسه به‌رپرسانی قوتابخانه‌ی سه‌ره‌تایی شه‌ریعه‌تیی دێولان به که‌س‌وکاری خوێندکارانیان ڕاگه‌یاندووه ئه‌گه‌ر ناتوانن بڕه‌پاره‌ی دیاریکراو به قوتابخانه بده‌ن، مناڵه‌کانیان چیتر ناتوانن له‌و قوتابخانه‌یه درێژه به خوێندن بده‌ن.

وێنه: ئینتێرنێت

 

بابەتی هاوپۆل

«خدیجە مھدی پور» بە ٢٠ ماە حبس تعزیری محکوم شد

«خدیجە مھدی پور» بە ٢٠ ماە حبس تعزیری محکوم شد برپایەی گزارشھا؛ فعال زن کرد …

وەڵامێک بنووسە

پۆستی ئەلکترۆنیکەت بڵاو ناکرێتەوە .

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.