زاگرۆس پۆست
بە پێی ئەو هەواڵانەی بە زاگرۆس پۆست گەیشتووە، زەخت و گوشاری خاوەنكاری شیركەتی “بانتا ئابیدەر” لە شاری سنە بۆ سەر كرێكارانی شیركەتەكە بە ئاستێكی زۆر پەرەی سەندووە.
دەوترێ، خاوەنكاری ئەو شیركەتە بە كەلكوەرگرتنی نابەجێ لە دابەزین كەش و هەوا و دەسپێكی سەرماوسۆڵە و نەبوونی مەجالی كار، زەخت و گوشاری سەر كرێكارانی پەرە پێداوە و لای وایە كە لەم كاتەدا كە كار دەستناكەوێ ئەگەر گوشارەكانی بۆ سەر كرێكارانیش پەرە پێ بدات ئەوان لەبەر ئەوەیكە سەرچاوەی بژیوی ژیانیان لەدەست نەدەن، ئەو زەخت و گوشارانە قبوڵ ئەكەن.
شایانی باسە، خاوەنكاری شیركەتەكە وێڕای ئەوەیكە هەموو هەفتەیەك بە شێوەی زۆرەملێ 20 كرێكار دەنێریتە مەرەخەسی، بە كرێكارانی راگەیاندووە كە ئەگەر كاتژمێر و بەرهەمی كارەكەیان زۆرتر نەكەن، لە سەر كار دەكرێن و نان بڕاو دەبن.
