سێ شه‌ممه‌ 19 تشرینی یه‌كه‌م 2021
ماڵەوە / کوردستان / گیانلەدەستدان و بریندار بوونی 8 هەزار كەس بە هۆی تەقینەوەی مین

گیانلەدەستدان و بریندار بوونی 8 هەزار كەس بە هۆی تەقینەوەی مین

لە ساڵی ١٣٦٧ی هەتاوە تا ساڵی ١٣٩١ لە پارێزگاكانی ورمێ، ئیلام، كرماشان، سنە و خووزستان دوو هەزار و ٤٣٣ هاووڵاتیی مەدەنیی بە هۆی كەرەسەی بەجێماوی جەنگی و تەقینەوەی مین گیانیان لەدەستداوە و پێنج هەزار و ٦٠١ كەسی دیكەش بریندار بوونە.

كۆمەڵەی چالاكانی مافی مرۆڤ لە ئێران راپۆرتێكی بڵاو كردووەتەوە و تیایدا باسی لەوە كردووە كە، رێژەی قوربانیی بوونی هاووڵاتیان لەماوەی ئەو ٢٤ ساڵەدا بێ‌وێنە و كارەساتبار وەسف كردووە.

لە پارێزگاكانی رۆژهەڵاتی كوردستان رێژەی قوربانیانی مین جێگای نیگەرانیە بە چەشنێك كە لەو ماوە دیاریكراوەدا یەك هەزار و ٩٩٦ هاووڵاتیی كورد لە ناوچەكانی ئاڵوودە بە مین و كەرەسەی جەنگی، گیانیان لەدەست داوە.

لەلایەكی دیكەوە چوار هەزار و ٧٢٧ هاووڵاتیی دیكەش لەكوردستان بە هۆی تەقینەوەی مینەوە بریندار بوون.

لەو راپۆرتەدا باس لە ژنانی قوربانی دەستی مینیش كراوە كە لە پارێزگاكانی ئیلام، ورمێ، سنە و كرماشان نزیك بە ١٥٨ ژن گیانیان لەدەست داوە و ٤٠٢ كەسیش بە هۆی تەقینەوەی مین بریندار بوون.

هەر لەو چوار پارێزگایەدا، كرماشان بە ٩٩٣ حاڵەت كوژران زۆرترین پلەی گیان لەدەست دانی مینی هەیە و ئوستانەكانی كوردستان ٣٦٨ حاڵەت، ئیلام ٣٢٦ حاڵەت و ئازەربایجانی رۆژئاوا بە ٣٠٩ حاڵەت گیان لەدەست دان پلەكانی دووهەم، سێهەم و چوارەمیان هەیە.

دەوترێت كە زیاتر لە دوو ملیۆن و ٢٠٠ هەزار هێكتار لە زەوی رۆژهەڵاتی كوردستان بە مین چێنراون و بە گشتی 42 هەزار میتری چوارگۆش لە خاكی ئێران مینڕێژ كراوە.

بابەتی هاوپۆل

احضار جبار دستباز به اداره اطلاعات سنندج

یکی از فعالین مدنی و روزنامه‌نگاران فعال اهل دیواندره و ساکن سنندج، توسط اداره اطلاعات …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.