زاگرۆس پۆست
لە ئەنجامی پێكدادانی شەرڤانانی یەپەگە و چەكدارانی داعش لە كۆبانێ و كوژرانی چەكدارێكی زۆر لەبەرەی داعش، بوونی لاشەی كوژراوانی داعش گوندنشینانی سەر سنوری هەراسان كردووە.
بە گوندی عەلیزەرە سەر بە ناوچەی سوروچ لەسەر سنوری نیووان توركیە و سووریە كە تەنها 500 مەتر لە كۆبانی دوورە، جگە لەوەی لە دەنگی تۆپ و پێكدادانی نێوان یەپەگە و داعش راهاتوون، بەڵام بەهۆی كوژرانی چەكدارێكی زۆری داعش لە نزیك ئەم گوندە، بوونی لاشەكان دانیشتوانی ئەم گوندەی هەراسان كردووە. بەتایبەتیش ئەو چەكدارانی داعش كە لە ئەنجامی پێكدادانەكان بریندار دەبن و داعش ناتوانێت چارەسەریان بكات، بۆیە هەر لەلایەن چەكدارانی داعشەوە گوللەباران دەكرێن و بە جیێان دەهێڵن.
دانیشتوانی ئەم گوندە باس لەوە دەكەن كە لەگەڵ ئەوەی لە دەنگی بۆمبەبارانكردن و پێكدادانەكانی نێوان یەپەگە و داعش راهاتوون، بەڵام ئەوەی هەراسانی كردوون بۆنی لاشەی كوژراوانی داعشە كە دوای ئەوەی بریندار دەبن و چارەسەریان بۆ ناكرێت، هەر لەلایەن چەكدارانی داعشەوە لە نزیك ئەو گوندە گوللەباران دەكرێن و دوای چەند رۆژێك تەرمەكان لەلایەن داعشەوە كۆ دەكرێنەوە.
