زاگرۆس پۆست
بنەماڵە رۆژهەڵاتیەكانی كوردستان بە مەبەستی دەربڕینی پشتیوانی لەگەڵ خەڵكی خۆڕاگری كۆبانی و هەروەها دەربڕینی خۆیشەویستی خۆیان بۆ خەڵكی موقاومی ئەو شارە، ناوی منداڵەكانیان دەنێن كۆبانێ.
هەواڵەكان لەوبارەوە باس لەوە دەكەن كە خەڵكی 3 بنەماڵە لە شاری سەردەشت و بنەماڵەیەك لە شاری شنۆ و یەكێكی دیكەش لە شاری ئیلام لەم رۆژانەدا كە خۆڕاگری و بەرخۆدان لە شاری كۆبانێ لە رۆژئاوای كوردستان لە ئارادایە، بە مەبەستی پشتیوانی لەو موقاومەتە كەم وێنە و هەروەها دەربڕینی خۆشەویستی و هاوسۆزی خۆیان بۆ خەڵكی ئەو شارە، ناوی منداڵەكانیان دەنێن كۆبانێ و بەو ناوەوە پێناسیان بۆ دەردەكەن.
شایانی باسە، خەڵكی كوردستان بەرانبەر بە بزووتنەوەی شۆڕشگێڕانەی كوردستان بە درێژایی مێژوو هاوسۆزی و پشتیوانی قووڵیان هەبووە و ئەمە یەكەم جار نیە كە خەڵك بۆ دەربڕینی سۆزی خۆشەویستی خۆیان بەرانبەر بە كەسایەتیە ناودارەكانی بزووتنەوەكە و بۆنەو بەرامەكان ناوی ئەو كەسایەتی و بۆنانە لەسەر منداڵەكانیان دەنێن.
