زاگرۆس پۆست
رۆژی یەكشەممە 20ی مانگی رەزبەر وەكوو باقی شوێنەكانی دیكەی رۆژهەڵاتی كوردستان، شارەدێی دێولان و شاری بیجاڕ هاوپشتی و هاوخەمی خۆیان بۆ خەڵكی خۆڕاگری شاری كۆبانی و مەحكوم كردنی جینایەتەكانی داعش دەربڕی.
لەم خۆپیشاندانە ناڕەزایی دەربڕینانەدا كە بە بەشداریی ژمارەیەكی بەرچاو لە خەڵكی ئەو ناوچانە بەڕێوە چوو دروشمگەلێكی وەكوو”كۆبانی لە تەنیا نیە و كۆبانی لە خۆمانە” و پلاكارد و تراكتكی زۆریش بۆ ئەو مەبەستە لە سەر دەستی بەشداربووان هەڵكرابوو.
شایانی باسە، هێرشەكانی داعش بۆ سەر كۆبانی كۆدەنگیەكی هاوڵاتیانی هەموو جیهانی بۆ ناڕەزایی بەرانبەر بە كەمتەرخەمی وڵاتانی رۆژئاوایی و ئامریكا كۆكردووەتەوە و یەكدەنگیەكی بەهێزیشی لە نێوان كوردنی هەموو جیهان دروست كردووە.
