زاگرۆس پۆست
زیاتر لە دوو هەفتەیە لە چارەنووسی دوو برا بە ناوەكانی “ئایەت و فایەق” و هەروەها دوو كەسی دیكە بە ناوەكانی “فەرهاد روستەمی و حێكمەت رۆستەمی” هیچ هەواڵ و زانیارییەك لەبەردەستدا نیە.
بە پێی هەواڵەكان لەمبارەوە. ئەم كەسانە رێكەوتی ٣ی رەزبەری ئەساڵ لە لایەن هێزە ئەمنیەتییەكانی كۆماری ئیسلامیەوە لە شاری سنە بە هۆكارێكی نادیار دەستگیر كران و لەو كاتەوە تا ئێستا هیچ چەشنە زانیارییەك لە چارەنووسیان لەبەردەستدا نییە.
ئەمە لەحاڵێكدایە كە رۆژی هەینی ئەم هەفتەیەش پاش بەڕێوەچوونی كۆبوونەوەیەكی بەرین و بەشكۆ بە مەبەستی پشتیوانی لە خەڵكی خۆڕاگری كۆبانی و هەروەها مەحكوم كردنی هێرشە نامرۆڤانەكانی داعش بۆ سەر ئەو شارە، بە دەیان كەس لە شاری سنە و شارەكانی دیكەی رۆژهەڵاتی كوردستان دەستگیر كران كە هێشتاكە چارەنووسی زۆربەیان نادیارە.
