كۆبوونەوەی ناڕەزایی بۆ پشتیوانی لە خۆڕاگریی كۆبانی لە شاری سنە دەستی پێ كرد / بەوێنه

بە پێی ئەو هەواڵانەی بە زاگرۆس پۆست گەیشتووە، كۆمەڵێكی بەرچاو لە خەڵكی شاری سنە لە نێو بازاڕی شارەكە بە مەبەستی پشتیوانی لە خەڵكی خۆڕاگری شاری كۆبانی كۆبوونەوەیەكی ناڕەزاییان بەڕێوە برد.

لەو كۆبوونەوەیەدا بەشداربووان بە هەڵگرتنی پلاكارتگەلێك ناڕەزایی خۆیان بەرانبەر بە بێ دەنگی كۆمەڵگای نێودەوڵەتی بەرانبەر بە كۆمەڵكوژی لە شاری كۆبانی هەڵكردووە.

شایانی باسە، بەرەبانی ئەمڕۆ سێشەممە لە شاری تارانیش كۆبوونەوەیەكی ناڕەزایی دەربڕین هەر بەم مەبەستە بەڕێوەچوو و بڕیار وایە لە باقی شارەكانی دیكەی رۆژهەڵاتی كوردستانیش كۆبوونەوەگەلێكی لەم چەشنە بەڕێوە بچێت.