زاگرۆس پۆست
بە پێی ئەو هەواڵانەی بەدەستمان گەیشتووە، لە ماوەی رۆژانی رابردو ژمارەیەك لە خەڵكی شاری بە هۆی ئەوەیكە دەوڵەت بەرانبەر بە چالاكی و پڕوپاگەندەكانی داعش لە نێو لاواندا كەمتەرخەمە لە بەردەم فەرمانداریی ئەو شارە كۆبوونەوەیەكی ناڕەزایی دەربڕینیان بەڕێوە برد.
ئەمە لەحاڵێكدایە كە شارۆمەندانی سنەیی باس لەوە دەكەن كە هێزەكانی داعش و باقی رەوتە توندڕەوە ئیسلامیەكان لە ئاستی شارەكەدا خەریكی پڕوپاگەندەن و بەو چەشنە ئەیانهەوێ لاوان بەرەو لای خۆیان راكێشن و هەر ئەمەش بووەتە هۆی ئەوەیكە بنەماڵەكان لەو چەشنە كردەوانە نیگەران بن و لە دژكردەوەدا لە بەردەم فەرمانداریی كۆبوونەوەیەكی ناڕەزایی بەڕێوە بەرن.
جێگای وەبیرهێنانەوەیە، تا ئێستا چەندین جار لایەنگران داعش بە ئاڵای رەش و شمشێر لە ئاستی شاری سنەدا بینراون كە هەڕەشە لە خەڵك دەكەن و لە بەرانبەریشدا دەوڵەت هیچ هەڵوێست و دژكردەوەیەك لە خۆی نیشان نادات.
