كوژرانی ئەندامێكی دیكەی سپای پاسداران لە شاری “خۆی”

ئەندامێكی باڵای سپای پاسدارانی كۆماری ئیسلامی ئێران لە شاری “خۆی” سەر بە پارێزگای ورمێ ورمێ رۆژهەڵاتی كوردستان كوژرا.هەواڵنێریە حكومەتیەكان لە پارێزگای ورمێ بڵاویان كردەوە كە، مستەفا محەمەد نژاد لە ئەندامانی باڵای سپای پاسداران لە شاری خۆی سەر بە پارێزگای ورمێ لە لایەن كەسانێكی نەناسراو كوژراوە و ئەمڕۆ چوارشەممە تەرمەكەی ئەسپەردە كراوە.
شایانی باسە، رۆژی رابردووش پارێزەرانی رۆژهەڵات رایانگەیاند كە 5 ئەندامی باڵای سپای پاسدارانیان لە ناوچەی پیرانشار بە ناوەكانی  1ـ حەیدەر زولفەقاری فەرماندەی یەكێك لە پایگا نیزامییەكانی ناوچەی لاجانه. 2- شاهین كەریمی 3- كەریم عەلیزادە 4- عەلی قوڵیزادە. 5ـ شاهین، كوشتووە.
لە لایەكی دیكەوە فڕۆكە بێ فڕۆكەوانەكانی كۆماری ئیسلامی ئێران لە سەر سنوورەكانی نێوان رۆژهەڵات و باشووری كوردستان دەسووڕنەوە و سەرقاڵی مانۆڕدانن.