گەمارۆی كۆبانی تێكشكێندرا

ئەمڕۆ چوارشەممە 2ی مانگی رەزبەر فڕۆكە جەنگیەكانی هێزە هاوپەیمانەكان هەڵیانكوتایە سەر هێزەكانی داعش لە رۆژئاوای شاری كۆبانی و گەمارۆەكانی سەر ئەو شارەیان بە خەستی بۆردمان كرد.
هاوكات لەگەڵ ئەو هێرشە ئاسمانیانەدا، ئەمڕۆ بە هەزاران كەس لە خەڵكی ئاوارەی كۆبانی بەتایبەت گەنجان و پیاوان گەڕانەوە بۆ كۆبانی تا لە شەڕ و بەربەرەكانیەكان دژی داعش بەشداریی بكەن.
هەروەها لە لایەكی دیكەشەوە سەرپەرشتیاری هێزی پێشمەرگە لە میحوەری گوێڕ – مەخموور راگەیاند، كە لە ئەنجامی هێرشە ئاسمانییەكانی ئەمڕۆ بۆ سەر هێزەكانی داعش، جگە لە تێكشكاندنی ژمارەیەك دۆشكە و ئۆتۆمبێلی داعش، ژمارەیەك چەكداری داعشیش كوژراون و تەرمی 7 چەكدار لەبەر دەست پێشمەرگەدایە.
پاش ئەوەیكە ئەمڕۆ فڕۆكە جەنگیەكانی هێزە هاوپەیمانەكان بازنەی بۆسە و گەمارۆەكانی داعش لە دەوروبەری شاری كۆبانی یان تێكشكاند، سەرۆك كۆماری توركیەش رایگەیاند كە، پێدەچێ ئێمەش بڕیاری پەیوەست بوون بە هاوپەیمانی نیزامی دژی داعش دەركەین.
ئەم وتانە لەحاڵێكدایە كە چەند رۆژ پێش ئێستا دەیان بارمتەگیراوی تورك كە لە كونسولگەریی ئەو وڵاتە لە شاری موسڵ لە لایەن چەكدارانی داعشەوە بەدیل گیرابوون ئازاد كران و گەڕانەوە بۆ وڵاتەكەیان.

بابەتی هاوپۆل

بیان فرج‌اللهی، شهرووند اهل سنندج به شعبه اول دادگاه انقلاب این شهر احضار شد.

به گفته یک منبع مطلع، این فعال زن به اتهام “تبلیغ علیه نظام” به شعبه …

وەڵامێک بنووسە

پۆستی ئەلکترۆنیکەت بڵاو ناکرێتەوە .

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.