چوار شه‌ممه‌ 22 ئایار 2024

له سه‌ڵماس هێزه‌ ئه‌منیه‌کانی کۆماری ئیسلامی رێگه‌یان له کۆکردنه‌وه‌ی یارمه‌تی بۆ لێقه‌وماوانی شنگال گرت

دوای ئه‌وه‌ی چالاکانی شاری سه‌ڵماس له پارێزگای ورمێ به مۆڵه‌تی پێشوه‌خته‌وه‌ هه‌وڵیان دا یارمه‌تیی خه‌ڵکی بۆ کوردانی لێقه‌وماوی شاری شنگال کۆبکه‌نه‌وه له لایه‌ن ناوه‌نده ئه‌منیه‌کانی ئه‌و شاره‌وه هه‌ڕه‌‌شه‌و رێگرییان لێکرا.

دوای شاری جوانڕۆ، سه‌رله‌به‌یانیی ئه‌مڕۆ یه‌کشه‌مه شاری سه‌ڵماس‌ی پارێزگای ورمێ‌ش که‌مپه‌ینی کۆکردنه‌وه‌ی یارمه‌تی بۆ لێقه‌وماوانی شنگال‌ی تێدا راگه‌یه‌نرا، به‌ڵام دوای ماوه‌یه‌کی کورت له کۆکردنه‌وه‌ی هاوکارییه‌که، ناوه‌نده ئه‌منیه‌کانی ئه‌و شاره چوونه شوێنه‌که‌و پێیان کۆکردنه‌وه‌.

به گوێر‌ه‌ی زانیارییه‌کانی زاگرۆس‌ پۆست ئه‌و که‌مپه‌ینه له پارکی لاله‌ی سه‌ڵماس‌و له لایه‌ن چه‌ند خوێندکارو که‌سایه‌تیی شاری سه‌ڵماس رێکخراوه‌و که‌سێک له‌و چالاکانه‌ش ئه‌ندامی مانگی سوری شاره‌که‌یه‌و شاره‌زای رێوشوێنه یاساییه‌که، به‌ڵام ئه‌وان نازانن له به‌ر چ هۆکارێک رێگرییان لێکراوه.

به گوێره‌ی ئه‌و زانیارییانه بڕیار بووه دوای کۆکردنه‌وه‌ی ئارمه‌تییه‌کان به رێگه‌ی مانگی سووری ورمێ بگه‌یه‌نرێته ده‌ست لێقه‌وماوانی شنگال به‌ڵام به‌رپرسانی پارێزگای ورمێ رێگرییان له‌و هه‌ڵمه‌ته کردووه.

بابەتی هاوپۆل

بیان فرج‌اللهی، شهرووند اهل سنندج به شعبه اول دادگاه انقلاب این شهر احضار شد.

به گفته یک منبع مطلع، این فعال زن به اتهام “تبلیغ علیه نظام” به شعبه …

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.