زاگرۆس پۆست
کۆماری ئیسلامی گۆڕی محه‌مه‌د قه‌نبه‌ری لاوی په‌یڕه‌وی ئایینی یاری له تاکستان تێکدا، که ساڵی پارو له رێکه‌وتی 5ی گه‌لاوێژدا دژ به هه‌ڵاواردن‌و سته‌مه ئایینییه‌کانی سه‌ر یارییه‌کان ئاگری له جه‌سته‌ی خۆی به‌رداو گیانی له‌ده‌ستدا.
به گوێره‌ی هه‌واڵی په‌یڕه‌وانی ئایینی یاری له ئێران له سه‌روبه‌ندی یه‌که‌م ساڵوه‌گه‌ڕی گیان له‌ده‌ستدانی لاوی ناڕازیی سه‌ر به ئایینی یاری که ساڵی پار له درێژه‌ی ناڕه‌زایه‌تی به سته‌مه ئایینییه‌کان له به‌‌رده‌م پارلمانی ئێران ئاگری له جه‌سته‌ی خۆی به‌رداو گۆڕه‌که‌ی له لایه‌ن هێزه ئه‌منیه‌کانی کۆماری ئیسلامییه‌وه تێکدرا.
گۆڕی ئه‌و چالاکه یارییه له ئاوایی قه‌ره‌داش‌ی تاکستان بووه‌و له شوێنێکی لێژ هه‌ڵکه‌وتووه‌و هاوڕێ‌و په‌یڕه‌وانی یاری شوێنه‌که‌یان دیاری کردبوو، به‌ڵام هێزه ئه‌منییه‌کان وێڕای تێکدانی گۆڕه‌که هه‌ڕه‌شه‌یان له بنه‌ماڵه‌ی ناوبراوو چالاکانی یاریی له‌و ناوچه‌یه کردوه رێوڕه‌سمی ساڵیادی نه‌که‌نه‌وه‌و له شوێنه‌کانی تری ئێرانه‌وه په‌یڕه‌وانی یاری بانگهێشت نه‌که‌ن.
