کۆڵبه‌رێکی تر له سه‌ڵماس به ته‌قه‌ی راسته‌وخۆی هێزه ئه‌منیه‌کان بریندار کرا

له درێژه‌ی ته‌قه‌ی هێزه‌ ئه‌منییه‌کانی سه‌ر سنووری رۆژهه‌ڵات‌و باکووری کوردستان له ناوچه‌ی سه‌ڵماس کاسبکارێکی تر به ناوی محه‌مه‌د خانی زاده که‌وته به‌ر ده‌سڕێژی راسته‌وخۆو به سه‌ختی بریندار کرا.

هاوڵاتیی کوردی خه‌ڵکی سه‌ڵماس به‌ره‌به‌یانی 2ی گه‌لاوێژ له ناوچه‌ی گۆزه‌ڕه‌ش که‌وته به‌ر ده‌سڕێژی راسته‌وخۆی هێزه ئه‌منییه‌کان‌و به سه‌ختی بریندار کرا. نیسان نیوز بڵاوی کردووه‌ته ناوبراو به گومانی قاچاخچێتی ته‌قه‌ی لێکراوه‌و گوله‌کان به سینه‌ی که‌وتوون، ده‌وترێت بارودۆخی ئه‌و کاسبکاره مه‌ترسیداره‌و پزشکه‌کان هیوایه‌کی زۆریان به مانی نییه.