زاگرۆس پۆست
هاوكات لەگەڵ پەرەسەندنی رەوتی ئێعدامەكان لە ئێران، 12 بەندكراو لە زیندانی ناوەندی شاری ورمێ لە سێدارەدران.
بە پێی هەواڵێكە بە ناوەندی هەواڵنێریی زاگرۆس پۆست گەیشتووە، شەوی یەكشەممەی رابردوو 25ی جۆزەردان 12 بەندكراو بە بێ هیچ ئاگاداریەك‌و بە شاراوەیی لە سێدارەدران.
تاوانەكانی ئەو 12 كەسە رانەگەیەندراوە بەڵام بە پێی وتەی شایەتحاڵەكان، پێدەچێت ئەو كەسانە تۆمەتی قاچاخی مادەسڕكەرەكانیان لەسەر بێت.
ناوی 9 كەس لە‌و 12 كەسەی لە سێدارەدراون بریتین لە:
فەرامەرز یاشایی خەڵكی ورمێ كورد، عەبدولوەهاب دلێر، پەرویز نیك خوی خەڵكی سەڵماس، نەقدعەلی رەجایی تورك، رەشید مورادی خەڵكی نەغەدە تورك، حامید ئاقایی تورك، سەعید وەرمەزیار تورك، ئیبراییم دلایی میلان خەڵكی ماكۆ كورد، ئارش ئەحمەد وەش تورك.
