زاگرۆس پۆست
كاون بەپایی بەرپرسی دەفتەری تۆماركردنی شاری تەورێز بە نووسینی نامەیەك هوشداری داوەتە سەرجەم نووسینگەكانی تایبەت بە كڕین‌و فرۆشتنی خانوو لە ئازەربایجانی رۆژئاوا كە مەترسی گەشەكردنی تیرۆریزمی كورد لە ئارادایە.
لە نامەكەدا ئاماژە بەوەكراوە، لەم دواییانەدا گروپە تیرۆریستە كوردیەكان چاویان بڕیوەتە ناوچە ئیستراتژیكەكانی رۆژئاوای ئێران و دەیانەوێت بە كڕینی خانوو زەوی لەم ناوچانە، دزە بكەنە ئەو شوێنانەو ببنە خاوەنی مڵك‌و ماڵ.
بۆیە دەفتەری تۆماركردنی تەورێز بڕیاری داوەتە سەرجەم نووسینگەكان كە هیچ هاوكاریەكی كوردەكان لە بابەت كڕێنی خانوو زەوی نەكەن‌و بە خێراییش پێویستە ناوەندە ئەمنیەتیەكانی لێ ئاگادار بكەنەوە.
