زاگرۆس پۆست
رۆژی یەكشەممە 4ی جۆزەردان شۆفێڕ تەكسیەكانی شاری قوروە دژ بە كەمترخەمی بەرپرسان لە بابەت بردنە سەرەوەی نرخی كرێ تەكسی مانگرتنێكیان وەڕێخست.
بە پێی ئەم هەواڵە، شۆفێڕ تەكسیەكان لە شاری قوروە داوایان لە بەرپرسانی یەكیەتی تەكسیڕانی ئەو شارە كرد كە پێویستە هاوشان لەگەڵ بەرزبوونەوەی شت‌ومەكی دیكە لە نێو بازاڕ، كرێی تەكسیش بەوشێوە بچێتە سەرەوە.
شۆفێر تەكسیەكان بۆ ماوەی چەند كاژمێر خۆیان لە جێبەجێكردنی موسافیرەكان بوارد‌و‌و خوازیاری وڵامدانەوەی بەرپرسان بوون.
شایانی باسە، چەند رۆژ لەوەپێش لە ناڕەزایەتیەكی هاوشێوە لە شاری سنە، شۆفێڕ تەكسیەكانی ئەو شارەش مانگرتنێكیان بەڕێوەبرد.
