زاگرۆس پۆست
له‌مڕۆ سێشه‌مه 6ی جۆزه‌ردان‌ه‌وه تا رۆژی هه‌ینی 9ی جۆزه‌ردان بۆ یه‌که‌م جار له مه‌ریوان فێستیڤاڵی وه‌رزشه هه‌واییه‌کان به به‌شداریی هۆگرانی ئه‌و وه‌رزشه له شاره جیاجیاکانی ئێرانه‌وه به‌ڕێوه ئه‌چێت.
راگه‌یاندنی شاره‌وانیی مه‌ریوان بڵاوی کردووه‌ته‌وه ئه‌م فێستیڤاڵه له ئه‌مڕۆوه بۆ ماوه چوار رۆژ له ده‌شتی به‌ر کۆڵان به به‌شداریی 150وه‌رزشکار به‌ڕێوه ئه‌چێت. سه‌رچاوه‌که راشی گه‌یاندووه شوێنی فڕینی وه‌رزشکاره‌کان له لوتکه‌ی چیای فه‌یله‌قوزه‌وه ده‌بێت که که‌وتووه‌ته نێوان شاری مه‌ریوان‌و گۆڵی زرێبار.
کاتی به‌ڕێوه‌چوونی کێبرکێکان کاتژمێر 9ی به‌یانی تا 6ی ئێواره‌ی ئه‌و 4رۆژه ده‌بێت. وه‌رزشه هه‌واییه‌کان ماوه‌ی زیاتر له ساڵێکه له مه‌ریوان بووه‌ته باوو لایه‌نگرێکی زۆری په‌یدا کردووه.
