زاگرۆس پۆست
دوێنێ سێشه‌مه له شارى قامیشلۆى رۆژئاواى کوردستان ئه‌نجومه‌نى گه‌لى رۆژئاواى کوردستان (MGRK) و ئه‌نجومه‌نى نیشتمانى کورد له سوریا(ENKS) کۆبوونه‌وه.
فرات‌نیوز بڵاویکرده‌وه کۆبوونه‌وه‌که به به‌شدارى هاوسه‌رۆکى MGRK عه‌بدولسه‌لام ئه‌حمه‌د، ئه‌ندامى ده‌سته‌ى به‌رێوه‌به‌رى ”ئیلهام ئه‌حمه‌د”، ئه‌ندامانى کۆمیته‌ى په‌یوه‌ندییه‌کانى ته‌ڤگه‌رى جڤاکى دیموکراتی (TEV-DEM) عه‌بدولکه‌ریم عومه‌ر، چنار ساڵح و خه‌دیجه ئیبراهیم به‌شدار بوون.
له کۆبوونه‌وه‌که‌دا سه‌رۆکى ENKS تاهیر سفوک، ئه‌ندامانى مه‌کته‌بى سیاسى پارتى دیموکراتى کوردستان-سوریا ”نه‌شه‌ت زازا، ئه‌ندامى مه‌کته‌ب سیاسى پارتى یه‌کێتى کوردى له سوریا، سه‌رۆکى بزوتنه‌وه‌ى ریفۆرم و گۆڕانکارى فه‌یسه‌ل یوسف و سکرتێرى پارتى یه‌کێتى دیموکراتى کورد له سوریا ئاماده بوون .
کۆبوونه‌وه‌که به‌شێوه‌یه‌کى داخراو به‌رێوه چوو و نزیکه‌ى چوار کاتژمێر به‌رده‌وامی کرد. له دواى کۆتایى هاتنى کۆبوونه‌وه‌کداه عه‌بدولکه‌ریم عومه‌ر و تاهیر سفوک کۆنگره‌یه‌کى رۆژنامه‌وانیان ساز کرد .
عه‌بدولکه‌ریم عومه‌ر رایگه‌یاند که بۆ یه‌کێتى هێزه ئۆپۆزسیۆنه‌کانى سوریا به گشتیش پارته سیاسییه‌کانى ناو به‌رێوه‌به‌رایه‌تى خۆبه‌رێوه‌به‌ره‌ى دیموکراتى، پرۆژه‌ى یه‌کێتى هێزه ئۆپۆزسیۆنه‌کانى سوریا ده‌ستپێکردوه‌‌و رایگه‌یاند: له‌به‌ر ئه‌مه‌ش پێویستیمان به کۆبوونه‌وه‌‌و دیدار له‌گه‌ڵ پارته‌کانى ناو ئه‌نجومه‌نى نیشتمانى کورد له سوریا ENKS بینى‌و بۆ ئه‌وه‌ى ببێته ده‌ستپێکى گۆڕانکارى ره‌وشى سوریا به شێوازێکى دیموکراتى‌و فڕه لایه‌ن.
