زاگرۆس پۆست
سایە موقەدەسی قوتابی هەڵكەوتووی خەڵكی شاری مەراغە كە پاش یەكساڵ‌و نیو نەخۆشی، لە كۆتاییەكانی رێبەندانی ساڵی رابردوو لە لایەن بەرپرسانی كۆماری ئیسلامیی رەوانەی نەخۆشخانەیەك لە ئاڵمان كرا، پاش ماوەیەك لە گەیشتنی بۆ ئەو وڵاتە گیانی لەدەستدا.
باوكی سایەی 14 ساڵ تەمەن رایگەیاند، محەمەد سادق عەبدوڵڵایی كونسولی كۆماری ئیسلامی لە ئاڵمان زۆر بەرانبەر ئێمە كەمترخەم بووە‌و ئەگەر كارەكانی ئێمەی لەوێ جێبەجێ بكردایەت كچەكەم چارەسەری بۆ دەكرا.
باوكی سایە بەم پێیە كونسولی ئێران لە ئاڵمان بە بەرپرسی مەرگی كچەكەی دەزانێت‌و دەڵێت داوای لە دەزگای قەزایی دەكەم بەدواداچوون بۆ ئەم جینایەتە بكات.
سایە موقەدەسی بە بڵاوكردنەوەی دوو دەفتەری شێعری، وەك لاوترین شاعیری مەراغە ناسراو بووە بە هۆی نەخۆشی خوێنی لە وڵاتی ئاڵمان گیانی لەدەستدا.
