مه‌ریوان: ناڕه‌زایه‌تیه جه‌‌ماوه‌ریه‌کان بوو به نامه‌

ژماره‌یه‌ک له چالاکانی مه‌ده‌نیی مه‌ریوان له ناڕه‌زایه‌تیی به بێهه‌ڵوێستبوونی لایه‌نه پێوه‌ندیداره‌کانی کۆماری ئیسلامی له‌و شاره، نامه‌یه‌کیان نووسیوه‌و داوای روونکردنه‌وه‌یان کردووه له سه‌ر تێکچوونی ئاسایشی ئه‌و شاره له ماوه‌ی رابردوودا.به پێی نامه‌‌که چه‌ند چالاکی مه‌ده‌نی‌و کرێکاری له نامه‌یه‌کدا که بۆ فه‌رمانداری‌و نیرو ئینزامییان نووسیوه داوایان کرووه لێکۆڵینه‌وه بکه‌ن له سه‌ر ئه‌و کوشتنانه‌ی له ماوه‌ی رابردوودا به شێوه‌ی نائاسایی په‌ره‌ی سه‌ندووه. نامه‌که له کۆبوونه‌وه‌ی کاتژمێر 1:30ی دوانیوه‌ڕۆی ئه‌مڕۆی نوێنه‌ری چالاکانی مه‌ده‌نی‌و کرێکاری ئارام خانچه‌زه‌ڕ له‌گه‌ڵ ئه‌ندازیار میهری شاره‌زای ته‌ندروستی‌ له بنکه‌ی پۆلیس له‌و شاره ئه‌نجام دراوه.

چالاکانی مه‌ده‌نی له‌ نامه‌که‌دا په‌رۆشیی خۆیان بۆ تێکچوونی ئاسایشی مه‌ریوان ده‌ربڕیوه‌و رایانگه‌یاندووه ئه‌گه‌رچی حاڵه‌ته‌کان وه‌ک خۆکوژی تۆمارکراون‌و که‌سی  سکاڵاکه‌ر بوونی نییه، به‌ڵام پێویسته روونبکرێنه‌وه.