پیاوێك لە سەقز ئاگری لە ژنەكەی بەردا

ئەمڕۆ چوارشەممە 25ی خاكەلێوە هاوڵاتیەكی خەڵكی شاری سەقز بە بەكارهێنانی بەنزین ئاگری لە جەستەی ژنەكەی بەردا.

دوانیوەڕۆی ئەمڕۆ چوارشەممە لە گەڕەكی عەباس ئاوای شاری سەقز هەواڵی ئاگرتێبەردانی ژنێك لە لایەن هاوسەرەكەیەوە بڵاو بووەوە.

بە وتەی دراوسێكان ئەو پیاوە ئالوودەی مادەی هۆشبەرەكان بووە‌و پاش ئەوەی ژنەكەی داوای پووڵی لێدەكات، ئەویش وڵامی رەدی پێ دەداتەوە‌و دواتر بە بەنزینی نێو مۆتۆڕەكەی ماڵەكەی‌و ژنەكەی ئاگر دەدات.

هاوكات لەگەڵ روودانی ئاگركە، برای ژنەكە دەسبەجێ دەگاتە ئەو شوێنە‌و خۆشكەكەی رزگار دەكات‌و بە پێی وتەی شایەتحاڵەكان ئەو ژنە تەنیا لە رێگەی پایەوە هەندێك تووشی سووتانی سەرەتایی هاتووە‌و بە مەرگ رزگاری دەبێت.