زاگرۆس پۆست
دوو هاووڵاتیی دیکە لە ئاوایی “ملقەڕنی” سەقز لەلایەن هێزە ئیتلاعاتییەکانەوە دەستگیر کران.
ڕۆژی یەکشەممە ١٤ی سەرماوەزی ١٤٠٠، دوو هاووڵاتیی کورد خەڵکی ئاوایی “ملقەڕنی”ـی سەر بە شاری سەقز بەناوەکانی “محەممەد فەدەوی” و “ڕەحمەتوڵلا سالحیان” لەلایەن هێزەکانی ئیدارەی ئیتلاعات دەستگیر کران.
هەر لەم پێوەندییەدا و هەر لەو ڕۆژەدا، هاووڵاتییەکی دیکەی خەڵکی ئەو ئاواییە بە ناوی “زانکۆ مەسعوودی” دەستگیر کرابوو.
هەتا ئێستا لە هۆکاری گرتنی ئەو سێ هاووڵاتییە هیچ زانیارییەک لەبەر دەست دا نییە.
