زاگرۆس پۆست
وەڤدێكی حیزبی دیموكراتی كوردستان بە سەرپەرستی خالید عەزیزی سكرتێری گشتی ئەو حیزبە، لەگەڵ چەند بەرپرسێكی سپای پاسدارانی كۆماری ئیسلامی لە شاری هەولێر كۆبوونەوە.
بە پێی هەواڵێكە لە سایتی ئێن ئار تی بڵاو بوەتەوە، خالید عەزیری بە مەبەستی باسكردنی كێشەی كورد لە رۆژهەڵاتی كوردستان لەگەڵ بەرپرسانی ئەمنیەتی سپای پاسداران كۆبوونەتەوە‌و ئەمەش لە حاڵێكدایە كە ئەم كۆبوونەوە بە بێ ئاگاداری ئەندامانی سەركردایەتی حیزبەكەی بووە.
بە پێی هەواڵەكە یەكێك لە حیزبەكانی باشووری كوردستان بەشداری ئەو كۆبوونەوە بوون.
تا ئێستا‌و لە ماوەی سكرتێربوونی خالید عەزیزی دەنگۆی ئەوە بڵاوكراوەتەوە كە ناوبراو دوو جار لەگەڵ بەرپرسانی ئەمنیەتی سپای پاسدارانی كۆماری ئیسلامی كۆبوونەتەوە‌و ئەمەش رەخنەیەكی زۆری ئەندامانی ئەو حیزبەی بەدواوە هاتووە.
