زاگرۆس پۆست
دەستگیر کردنی ژینگەپارێزێکی دیکە لە سنە
رۆژی چوارشەممە ٧ی ڕەزبەری ١٤٠٠ ھەتاوی، لە درێژەی دەسبەسەر کردنی ژینگەپارێزێان لە رۆژھەڵات، ھێزەکانی ئیتلاعاتی شاری سنە، ژینگەپارێزێکی دیکە بە ناوی «ئارمین ئەسپەرلووس» خەڵکی شاری سنەیان دەسبەسەر کرد.
تا ئیستا لە ھۆکاری دەسبەسەر بوونی نێوبراو لە لایان ھێزەکانی ئیتلاعاتییەوە، زانیارییەکمان پێ نەگەیشتووە .
جێگای ئاماژەیە، ئەم چالاکە کوردە لە رەشەمەی ساڵی ١٣٩٨ بە تۆمەتی «ئەندامیەت لە حیزبی پژاک» سێ مانگ و یەک رۆژ بەندکرانی، بەسەردا سەپابوو.
ھەروەھا، « فەرانک جەمشیدی» ھاوژینی «ئارمین»، بە تۆمەتی « ئەندامیەت لە حیزبی پژاک » حوکمی یەک ساڵ بەندکرانی بەسەردا سەپاووە.
