زاگرۆس پۆست
برینداربوونی دوو كۆلبه‌ر لە سنوورە‌كانی شاری بانه
ڕۆژی دووشەممە ۱٥ی مانگی خەرمانانی ١٤٠٠ی هه‌تاوی، لە ئاکامی تەقەی راستەخۆی هێزە چەکدارەکانی ڕژیمی ئێران لە سنووری «بەروێشکان» شاری بانە بەرانبەر بە کۆڵبەران، دوو کۆڵبەر به‌سه‌ختی بریندار بوون.
ئەو کۆڵبەرانە بە ناسناوەکانی؛ «خەبات صادقی» تەمەن ۲۰ ساڵ و خەڵکی ئاوایی «درویان سەرو» و «صدیق تکابی» خەڵکی شاری سەقز بوون کە بە سەختی بریندار کراون و بۆ چارەسەری پیزشكی بۆ نەخۆشخانەی سەلاحەدینی ئەیووبی لە شاری بانە، گواستراونەتەوە.
