توندوتیژیی بەرانبەر بەهاییەكان لە ئێران بەردەوامە

كۆمەڵێكی بەرچاو لە خوێندكاران‌و چالاكانی مافی مرۆڤ‌و رۆژنامەنووسان لە ئێران لە ژێر ناوی گروپێكدا‌و بە نووسینی نامەیەكی رەخنەگرانە بۆ سادق لاریجانی سەرۆكی دەزگای قەزایی كۆماری ئیسلامیی داوای لێكۆڵینەوەیان لە بابەت توندوتیژیی بەرانبەر بەهاییەكان كردووە.

زۆربەی شوێنكەوتووانی ئایینی بەهایی لە ئێران‌و رۆژهەڵاتی كوردستان ژیان بەسەردەبەن‌و هاوكات هەندێك لە موسلوڵمانەكان ئایینی بەهاییەت بە كافر ناولێدەبن‌و لە یاسای كۆماری ئیسلامیشدا سزای تاوانێكی وەها كوشتنە.

مانگی رابردوو باندێكی 3 كەسی بە هێرشكردنە سەر بنەماڵەیەكی بەهایی لە شاری بیرجەند گوشاریان خستوەتە سەریان‌و پاییزی ساڵی رابردووش 14 بنەماڵەی بەهایی لەلایەن هێزەئەمنیەتیەكان هێرش كرایە سەریان‌و دەست بەسەر كەل‌وپەلی ناو ماڵەكانیاندا گیرا.

ئێستاكە‌و بە پێی راپۆرتی رێكخراوەكانی مافی مرۆڤ 136 كەس بە شوێنكەوتووانی ئایینی بەهایی لە زیندانەكانی ئێراندا بەسەر دەبەن.

هاوكات ساڵی 2013 گۆڕستانی تایبەت بە بەهاییەكان لە شاری سنەی رۆژهەڵاتی كوردستان لە لایەن كاربەدەستانی رژیمی ئێران تێكدرا‌و شوێنەكەیان لێ داگیركرا.