زاگرۆس پۆست
حوکمی ٢ ساڵ زیندان بۆ ھاووڵاتییەکی خەڵکی شنۆ
بە پێی ھەواڵەکان، ھاووڵاتییەکی خەڵکی شنۆ بە ناسناوەی «سەلاح بەھرامیان» بە تاوانی « ئەندامیەت لە حیزبی دێمۆکرات»، حوکمی دوو ساڵ زیندانی بەسەردا سەپا.
نێوبراو کە تەمەنی ٤٢ ساڵ و خەڵکی ئاوایی «گەندویلا» سەر بە شاری شنۆیە، رۆژی ٢٢ خاکەلێوەی ساڵی ١٤٠٠ ھەتاوی، لە لایان ھێزە چەکدارەکانی سپای پاسداران دەسبەسەر کرا و پاش مانگێک بە دانانی بارمتە و بە شێوەی کاتی، ئازاد کرابوو.
جێگای ئاماژەیە، « بەھرامیان» لە مانگی پووشپەڕدا دادگایی کراوە و حوکمەکەی ئیمڕۆ ٢ی گەلاوێژ پێی راگەیێندراوە.
