زاگرۆس پۆست
له ئاکامی ره‌شه‌بای که‌موێنه که له شه‌وی یه‌کشه‌مه له‌سه‌ر دووشه‌مه که زۆربه‌ی ناوچه‌کانی کوردستانی گرتووه‌ته‌وه، پیاوێکی 58ساڵ له سه‌رده‌شت گیانی له‌ده‌ستدا.به گوێره‌ی سه‌رچاوه باوه‌ڕپێکراوه‌کان له سه‌رده‌شت،ئه‌مڕۆ یه‌کشه‌مه ١٠خاکەلێوە کەسێک بەناوی محەمەد مەرجان لە دێی ئەسپەمێزە بە هۆکاری رەشەباو کەوتنەخوارەوەی دار بەسەریدا گیانی لەدەستداوه. سه‌رچاوه‌که ئه‌وه‌شی راگه‌یاندووه که دوای گواستنه‌وه‌ی ئه‌و هاوڵاتیه بۆ نه‌خۆشخانه‌ی سه‌رده‌شت گیانی له‌ده‌ستداوه.
جێی ئاماژه‌یه ره‌شه‌بای سه‌ره‌تای ئه‌م حه‌فته‌یه باشووری کوردستانیشی گرتووه‌ته‌وه له ئاکامیدا له سلێمانی‌و ده‌وروبه‌ری ده‌یان ملوێن دینار زه‌ره‌ری ماڵی له خه‌ڵک‌و حکومه‌ت که‌وتووه.
