پێنج شه‌ممه‌ 9 كانونی یه‌كه‌م 2021
ماڵەوە / کوردستان / بەندکراوانی بەندیخانەی ورمێ ناڕەزایەتییان دەربڕی

بەندکراوانی بەندیخانەی ورمێ ناڕەزایەتییان دەربڕی

دوێنێ چوارشەممە ١٩ی جۆزەردانی ١٤٠٠، بە هۆی نەدانی دەرمانی ئازاربڕ ٣٠٠ بەندکراو کۆبوونەوەی ناڕەزایەتییان بەڕێوەبرد.

ئەم بەندکراوانە کاتژمێر ٨:٣٠ خولەکی بەیانی لە بەرامبەر بنکەی تەندروستی بەندیخانە کۆبوونەوە و خوازیاری ئەوە بوون بەرپرسانی بەندیخانە بە بارودۆخی بەندکراوان رابگەن.

چەند رۆژە بەرپرسان و هێزەکانی بەندیخانە بۆ ئەوەی گوشار بخەنە سەر بەندکراوان دەرمانی ئازاربڕی پتر لە ٥٠٠ بەندکراو کە هەموو رۆژێ پێیان دەدرا بڕیویانە.

دوابەدوای ئەم گوشارانە، دوێنێ چوارشەممە دەوروبەری کاتژمێر ٨:٣٠ خولەکی بەیانی ٣٠٠ کەس لەم بەندکراوانە لە بەرامبەر شوێنی “ئەفسەری کێشک” کۆبوونەوەی ناڕەزایەتییان وەڕێخستووە و هاواریان دەکرد: “ئێوە بوونە هۆکاری گیرۆدە بوونی ئێمە بە مادە سڕکەرەکان و هۆکاری رۆژرەشی ئێمە، ئێوە ئێمەتان گیرۆدە کرد و دەتانەوێ ناڕازایەتیش نەکەین”.

دوای ماویەکی کورت هێزەکانی گاردی بەندیخانە بە باتوم و دار و تێڵاوە هێرشاین کردە سەر بەندکراوان و زۆریان لێدان و کوتان. بەندکراوەکانیش بەرامبەریان وەستانەوە.

لە ئاکامدا کاتژمێر ١٢:٣٠خولەکی نیوەڕۆ دوای هاواری و ناڕەزایەتی بەندکراوان، بەرپرسانی بەندیخانە و بەڕێوەبەری بنکەی تەندروستی ملیان دا بە دواکاریی بەندکراوان و هەرچی دەرمانی بەندییەکان پێویستیان بوو پێیان دان.

بابەتی هاوپۆل

چالاکی سیاسی کورد، «جەلال مەعرووفی» بۆ جێبەجێکردنی حوکمەکەی دەسبەسەر کرا

چالاکی سیاسی کورد، «جەلال وەفایی» بۆ جێبەجێکردنی حوکمەکەی دەسبەسەر کرا بە پێی ھەواڵەكان؛ رۆژی چوارشەممە …