زاگرۆس پۆست
ئەمڕۆ شەممە ٤ی گوڵان، دوو چالاکی مەدەنی بە ناوەکانی “مەرزیە غوڵام‌وەیسی” و “سیروان عەبدوڵڵاهی” خەڵکی شاری سنە، لەلایەن هێزە ئەمنییەتییەکانی ئەو شارەوە دەستگیر کران و بۆ شوێنێکی نادیار ڕاگوێزران.
بە وتەی سەرچاوەیەکی ئاگادار، هێزە ئەمنییەتییەکان بە بێ بەڵگەی یاسایی ئەو دوو هاووڵاتییە کوردەیان کە دایک و کوڕ بوونه لە ماڵەکەی خۆیاندا دەستگیر کردووە.
ئەو دوو چالاکە مەدەنییە لە بیاڤەکانی ژنان و ژینگەیی چالاکی دەکەن.
هەتا کاتی بڵابوونەوەی ئەم هەواڵە، لە هۆکاری دەستگیر کردن و تۆمەتی وەپاڵدراو دژی ئەو دوو هاووڵاتییە کوردە هیچ زانیارییەک لەبەردەستدا نییە.
