زاگرۆس پۆست
- رۆژی پێنج شەممە ١٢ی خاکەلیوەی ١٤٠٠ هەتاوی، فەردین مەولوودی، هاووڵاتیی خەڵکی سنە لە لایەن هێزە ئەمنییەکانی کۆماری ئیسلامی ئێرانەوە دەستگیر کراوە و ئێستا لە بەندیخانەی ناوەندیی ئەو شارە ڕاگیراوە.
بە وتەی سەرچاوەیەکی ئاگادار، فەردین مەولوودی بە هۆی بەشداری کردنی لە ڕێوڕەسمی نەورۆزی شاری سنە دەستگیر کراوە.
لە ماوەی سێ هەفتەی ڕابردوودا لانیکەم ١٦ هاووڵاتیی کورد لە شارەکانی سنە، مریوان، بانە و شنۆ بە هۆی بەشداری کردنیان لە ڕێوڕەسمەکانی تایبەت بە نەوورۆز لەلایەن هێزە ئەمنییەکانەوە دەستگیر کراون کە ١١ کەسیان بە بارمتە ئازاد بوون و ٥ کەسیان هێشتا له گرتووخانەدان.
