زاگرۆس پۆست
زیندانیەکی سیاسی کورد دوای ١٢ ساڵ بەندکران بەمەرج لە زێندانی زەنجان ئازاد کرا.
ڕۆژی یەکشەممە ١٥ی خاکەلیوەی ١٤٠٠، وەحید نەبی زاده، زیندانی سیاسی خەڵکی سەڵماس دوای تێپەڕاندنی ١٢ ساڵ لە سزای ٢٥ ساڵ زیندانێک کە بەسەریدا سەپاوە، ئازادیی مەرجداریی بۆ دەرکرا و لە بەندیخانەی ناوەندیی شاری زەنجان ئازاد کرا.
وەحید نەبی زادە خەڵکی گوندی “گوڵ ئەدەم”ی سەڵماس ساڵی ١٣٩٢ لەلایەن هێزە ئەمنییەتیەکانی رژیمی ئیسلامیی ئێرانەوە دەستگیر و لە لایەن دادگای شۆڕشی شاری خۆی بە سەرۆکایەتی دادوەر نەورووزی بە تۆمەتی دژایەتی خودا (موحاریبه) لە ڕێگای ئەندامیەت لە حزبێکی کوردستانی سزای سێدارەی بەسەردا سەپا و ئەم سزایە دواتر لەلایەن دیوانی باڵای ئێرانەوە هەڵوەشایەوە و بۆ ٢٥ ساڵ زیندان کەم کرایەوە.
