زاگرۆس پۆست
بە ھۆی سەرمای لەڕادەبەدەر و رەقھەڵاتنەوە کۆڵبەرێکی خەڵکی سەڵماس گیانی لەدەستدا.
شەوی چوارشەممە ٤ی خاکەلێوە، کۆڵبەرێکی کورد بە ناوی “فەهیم مامەدی قزڵ کەند”، تەمەن ٣٥ ساڵ و خەڵکی سەڵماس، بەهۆی سەرمای لەڕادەبەدەر لە سنووری ئەو شارە رەقھەڵاتووە و گیانی لەدەست داوە.
ئەو کۆڵبەرە لە کاتی کۆڵبەریدا، بەهۆی سەرماوسۆڵەی تووندەوە ڕێگاکەی لێ ون بووە و لە ئاکامدا رەقھەڵاتووە و گیانی لەدەستداوە.
تەرمی ئەو کۆڵبەرە، ڕەوانەی نەخۆشخانەی سەڵماس کراوە و هەتا ئێستا ڕادەستی بنەماڵەکەی نەکراوە.
فەهیم مامەدی قزڵ کەند، ھاوسەر و دوو منداڵیشی ھەبووە.
