زاگرۆس پۆست
تەیمور ئەلیاسی نوێنەری كۆمەڵی مافی مرۆڤی كورد لە بەشداریكردنی كۆنفڕانسی ژێنێڤ تایبەت بە لێكدانەوەی دۆخی مافی مرۆڤ لە ئێران رایگەیاند، دۆخی مافی مرۆڤ بە شێوەیەكی تایبەتی لە كوردستان‌و دژی چالاكانی مەدەنی‌و سیاسی نالەبارە.
ئەحمەد شەهید هەواڵنێریی تایبەتی مافی مرۆڤ بۆ ئێران رایگەیاند، سەرەڕای رەتكردنەوەی كاربەدەستانی كۆماری ئیسلامیی، بەڵام دۆخی مافی مرۆڤ لە ئێران زۆر نالەبارە.
لە پاش هاتنەسەركاری رووحانی بۆ پۆستی سەرۆك كۆماریی، 130 كەس لە ئێران ئێعدامكراون كە پێدەچێت رەوتی دادگاییكردنەكەیان ناڕوون بێت.
هاوكات نوێنەری كۆمەڵی مافی مرۆڤی كوردستان كە لەو كۆنفڕانسەدا بەشداریی كردووە رایگەیاند، تا ئێستاش ئێمە هەوڵەكامان بۆ ناساندنی كۆماری ئیسلامیی وەك پێشێلكەری مافی مرۆڤ درێژەی هەیە، چونكە لەو وڵاتە هەڵاواردن‌و بێ مافی بەرانبەر بە گەلانی دانیشتووی ئێران‌و لەوانە گەلی كورد ئەنجام دەدرێت.
