زاگرۆس پۆست
دوێنێ یەکشەممە ٢ی خەرمانان، چالاکێکی مەدەنی بە ناوی “فەریاد عەبدی” خەڵکی کامیاران، بە دانانی بارمتەی ٢٠٠ میلیۆن تمەنی بە شێوەی کاتی هەتا کاتی بەڕێوەچوونی دادگاییەکەی لە گرتووخانەی ئیتلاعاتی سنە ئازاد کرا.
ئەو چالاکە مەدەنییە ڕۆژی چوارشەممە ٨ی گەلاوێژ، بەبێ بەڵگەی دادگا لەلایەن هێزە ئەمنییەتییەکانەوە دەستگیر کرا و بۆ لێپرسینەوە ڕەوانەی ئیدارەی ئیتلاعاتی سنە کرابوو.
ناوبراو لە ماوەی دەستگیر کرانیدا لە “پەیوەندیی تەلەفۆنی لەگەڵ بنەماڵەکەی و دەسپێڕاگەیشتن بە پارێزەر” بێبەری کرا.
ئەو چالاکە مەدەنیە بە تاوانی پەیوەندیی لەگەڵ یەکێک لە حیزبە کوردستانیەکان دەستگیر کرابوو.
