زاگرۆس پۆست
ھەولی خۆکوشتنی یەکێک لە سێ بەندکراوێک کە حوکمی پەڕاندنی قامکیان بەسەردا سەپاوە
شەوی دووشەممە ٢ی پووشپەڕی ١٣٩٩ ھەتاوی ، بەندکراوێکی ڕاگیراو لە بەندی قەرەنتینەی بەندیخانەی ناوەندیی ئورمیە بە ناوی «هادی ڕوستەمی» بە ھۆی ئەوەی کە حوکمی پەڕاندنی چوار قامکی دەستی ڕاستی لەلایەن لقی ١٣ی دیوانی بەرزی وڵاتەوە پشڕاست کراوە و بە مەبەستی جێبەجێ کردن بە بەندیخانە ڕاگەیەندراوە، هەوڵی خۆکوشتنی داوە.
هادی ڕوستەمی، مێھدی شاھیوەند و مێھدی شەریفیان سێ بەندکراون کە ساڵی ١٣٩٤ ھەتاوی لە لایان ئیدارەی ئاگایی ورمێ دەستبەسەر کرابوون کە دوایی ماوەی چوار ساڵ راگیران لە بەندیخانە، لەلایەن لقی یەکەمی دادگای تاوانەکانی تایبەت بە منداڵان و مێرمنداڵانی پارێزگای ئورمیە و بەپێی ماددەی ٢٧٨ یاسای سزا ئیسلامییەکان، حوکمی پەڕاندنی چوار قامکی دەستیان بەسەردا سەپاوە.
