زاگرۆس پۆست
دادگای کەیفەری لقی ٢ی شاری شنۆ، چالاکێکی ژینگەپارێزی خەڵکی ئەو شارەی بە ناوی ڕەشید ناسرزادە بە ٦ ساڵ زیندانی تەعزیری سزادا.
بە پێی حوکمی دادگا ئەو چالاکە ژینگە پارێزە کۆبوونەوە و تەبانی کردووە بۆ ئەنجامدانی تاوان دژی ئەمنیەتی رژیمی کۆماری ئیسلامی.
ڕەشید ناسرزادە بە تۆمەتی تاوان دژی ئەمنیەتی ناوخۆیی کۆماری ئیسلامی بە ٥ ساڵ زیندان و بە تۆمەتی پڕوپاگەندە دژی ڕژیم بە ساڵێک زیندان سزا داوە.
ڕەشید ناسرزادە ڕۆژی سێشەممە ١٢ی سەرماوەزی ٩٨ لە کاتی گەڕانەوە لە باشوری کوردستان لە ڕێگەی پیرانشار- شنۆ لە لایەن ئیتلاعاتیەکانی ڕژیمەوە دەستگیر کرابوو.
دوای ٤٤ ڕۆژ مانەوە لە گرتووخانە ، ئەو چالاکە ژینگەپارێزیە ڕۆژی پێنجشەممە ٢٦ی سەرماوەز بە دانانی بارمتەی ٢٠٠ میلیۆنی ئازاد کرابوو.
