زاگرۆس پۆست
دکتۆر شیرین ئیلخانیزادە پاش ساڵانێکی بەردەوام بۆ سەرمایەدانان و توێژینەوە لە بواری زوو ناسینەوەی خانەکانی شێرپەنجەی مێشک و پێشگرتن لە بڵاو بوونەوەی ئەو نەخۆشیە کوشەندەیە، سەرکەوتنێکی زۆر گەورەی بەدەست ھێنا.
دکتۆر شیرین ئیلخانیزادە کە ئێستایش بەرپرسی کۆمپانیایەکی دابینکردنی خزمەتگوزاریە پزیشکیەکانە لە وڵاتی سۆئێد، توانی بە دۆزینەوەی دەرمانێک لە خێراترین کاتدا ئەو خانانەی کە لە مێشکدا تووشی شێرپەنجە بوون ببینێتەوە و رێگاکانی خێرای چارەسەری بۆ ئەم نەخوشیە بخاتە بەردەم شارەزایانی بواری پزیشکی و ئەو دۆزینەوەیە دوای چەندین جار تاقیکردنەوە بەخۆشحاڵیەوە وەڵامی پۆزۆتیڤی داوەتەوە.
شایانی باسە، دکتۆر شیرین ئیلخانیزادە منداڵی بنەماڵەیەکی پێشمەرگەی کۆمەڵەیە و ساڵانێک لە تەمەنی منداڵی خۆی لە نێو مەقەڕ و بنکەکانی پێشمەرگایەتی تێپەڕ کردووە.
