زاگرۆس پۆست
رۆژی دووشەممە 12ی رەشەمە حەسەن شێخانی ئەندامی كۆمیتەی ناوەندیی حیزبی دێمۆكراتی كوردستان دەستی لە كاركێشایەوە‌و بەمشێوە نامەی دەست لەكاركێشانەوەی خۆی رادەستی بەشی سكرتاریەتی حیزبەكەی كردووە.
ئەمە لە حاڵێكدایە كە لە ماوەی دوو هەفتەی رابردوو ئەمە سێیەمین ئەندامی كۆمیتەی ناوەندیی حیزبی دێمۆكراتی كوردستانە كە واز لە پۆستەكانیان دەهێنن‌و بەمجۆرە پێشتر ئێقباڵ سەفەری‌و رەحمان پیروتی دەستیان لە كار كێشابووەوە.
ئەو سێ ئەندامەی كۆمیتەی ناوەندیی حدك باسیان لە سیستەمی نادیمۆكراتیكی ساختاری حیزبەكەیان كردووە‌و بەشێكی زۆری گرفتەكانی بەرەوپێش نەچوونی سیاسەتەی حیزبەكەیان بەو ئاڵقە تەنگەی دەفتەری سیاسی حیزبەكەیان دەزانن.
تا ئێستا هیچ روونكردنەوە یان راگەیاندنێك سەبارەت بە دەست لەكاركێشانەوەی ئەو سێ ئەندامەی كۆمیتەی ناوەندیی حیزبی دێمۆكراتی كوردستان لە لایەن سەركردایەتی ئەو حیزبە بڵاو نەكراوەتەوە.
