ژنێك لە ورمێ ئاوارەی شەقامەكان بووە

ژنێك بە هۆی هەژاری‌و بێكەسی، ئاوارەی شەقامەكانی شاری ورمێ بووە‌و بە وتەی خۆی سەردانی هێزی ئینتزامی‌و كۆمیتەی ئیمداد‌و چەند ئیدارەیەكی دیكەی كردووە بەڵام هیچ وڵامێكی پێنەدراوەتەوە.

شایەتحاڵەكان دەڵێن ماوەیەكە شایەتی ئەوەن كە ئەم خاتووە لە نزیك پاركەكان دەمێنێتەوە‌و هیچ سەرپەنایەكی نیە‌و هیچ رێكخراوەیەكی دەوڵەتیش تا ئێستا یارمەتی نەداوە.
ئەمە لە حاڵێكدایە كە ئەو ژنە كە شەوانە لە نێو پاركدا خەوتووە‌و لە لایەن بەڕێوەبەری ئەو شوێنە وەدەرنراوە‌و كراوەتەوە دەرەوە.

تا ئێستاش هیچ لایەنێكی پەیوەندیدار هەوڵێكی بۆ چارەسەری كێشەی ئەو ژنە نەكردووە‌و كەمترخەمیەكی گەورە بەرانبەر ئەو بێ مافیە بەرانبەر بەو ژنە‌و هەزاران دیاردە‌و كێشەی لەو چەشنە ئەنجامدراوە.