ئەنجومەنی سەوزی چیا رێزی لە مامۆستا‌و راوچیەك گرت

هەفتەیەك پاش شكاندنی ئەو چەكەی بە دەستی راوچیەكە‌و بۆ رێزگرتن لە سرووشتی كوردستان شكا، ئەنجومەنی سەوزی چیای مەریوان لە درێژەی رێورەسمێك رێزی لەو راوچیە‌و مامۆستا محەمەد عەلی محەمەدیان موعەلیمی دڵسۆزی ئەو شارە گرت.

لەم رێورەسمە كە كۆمەڵێكی بەرچاو لە جەماوەری خەڵك‌و ژینگەپارێزان بەشداربوون، چەكە شكاوەكەی دەست راوچیەكە وەك ئاسەوارێكی مێژوویی هەڵگیرا‌و هاوكات وێنەكەی نمایشكرا.

ماوەیەك پێش ئێستا راوچیەكی كورد لە ناوچەی مەریوان بۆ رێزگرتن‌و گەڕانەوە بۆ سرووشت چەكی راوەكەی شكاندوو بۆ هەمیشە كۆتایی بە راوكردن هێنا‌و ئەمەش سیمایەكی شیاوی لەو راوچیە درووست كرد.