زاگرۆس پۆست
کوڕی یەکێک لە زیندانیانی سیاسی مەحکووم بەئیعدام بە هۆی بێ ڕێزی بەرپرسانی دادگای سەقزەوە هەوڵی خۆکوشتنی دا.
ڕۆژی چوارشەممە ٢٣ی جۆزەردان، لاوێکی تەمەن ٢٥ ساڵی دانیشتووی گەڕەکی شاناز لە شاری سەقز بە ناوی ئەشکان سەلیمی کوڕی بەندکراوی سیاسی مەحکووم بە سێدارە مستەفا سەلیمی لە ڕێگەی خۆهەڵواسینەوە دەستی دایە خۆکوژییەوە
ئەشکان ڕۆژی ڕابردوو بە مەبەستی بەدواداچوونی دۆسییەی باوکی سەردانی دادگای ئەو شارەی کردووە و لەلایەن بەرپرسانی دادگاوە بێڕێزی پێکراوە و هەربۆیەش ناوبراو دوای گەڕانەوە بۆ ماڵەوە هەوڵی خۆکوشتنی داوە.
ئەشکان ئێستا لە کۆمادایە و لە نەخۆشخانەی خومەینی شاری سەقز، لە ژێر چاودێری پزیشکیدایە.
مستەفا سەلیمی کە لە ڕێکەوتی ١٧ی خاکەلێوەی ١٣٨٢ی هەتاوی دەستبەسەر و دواتر بە تۆمەتی دژایەتی خوا و هاوکاری یەکێک لە حیزبە کوردستانییەکان لەلایەن دەزگای دادوەریی ئێرانەوە حوکمی سێدارەی بەسەردا سەپێندراوەناوبراو لە ١٤ ساڵ پێشەوە لەزیندانەکانی سنە و سەقز ڕاگیراوە.
