زاگرۆس پۆست
ئەمرۆ دووشەممە فەرمانبەرێكی وەزارەتی نەوت لەبەردەم ئەو وەزارەتخانەیە ئاگری لەجەستەی خۆی بەردا، لەكاتێكدا حەسەن رۆحانی، سەرۆك كۆمار بەنیاز بوو سەردانی وزارەتی نەوت بكات.
بەپێی راپۆرتی هەواڵنێرییەكانی ئێران، ئەم فەرمانبەرە كە تەمەنی 58 ساڵە پاش گەیشتنی رۆحانی بە بینای وەزارەتی نەوت ئاگری لەجەستەی خۆی بەردا كە بەخێرایی رەوانەی نەخۆشخانە كرا.
ناوبراو یەكێك لە فەرمانبەرانی وەزارەتی نەوت لەباشوری ئێرانە كە بۆ دەربڕینی ناڕەزایی بە بارودۆخی خراپی ئابوریی دەست داوەتە ئەو كارە.
بەپێی ئەو راپۆرتە 25% جەستەی ئەو فەرمانبەرە سوتاوە‌و لە نەخۆشخانە چارەسەری پزیشكی بۆ دەكرێت.
