زاگرۆس پۆست
به پێی هه‌واڵێک له ده‌یلی میل ژنێک له ئه‌ندۆنێزی دوای ئه‌وه‌ی تووشی نه‌خۆشینێکی ده‌گمه‌ن به ناوی نورۆفیبرۆماتۆز بووه، بنه‌ماڵه‌که‌ی ده‌ریان کردووه‌و ئه‌و ئێسته ناتوانێت درێژه به ده‌رمانی خۆی بدات.نورۆفیبرۆماتۆز نه‌خۆشینێکی ده‌گمه‌نی پێستیی‌و عه‌سه‌بییه که گه‌رچی کوشنده نییه، به‌ڵام به هه‌ڵتۆقینی ملوێنان تۆمۆر له سه‌ر هه‌موو له‌ش ده‌رده‌که‌وێت. ئه‌م ژنه 3ساڵه به‌و نه‌خۆشینه تووش بووه‌و دوای تووشبونی بنه‌ماڵه‌که‌ی له رۆژهه‌ڵاتی جاکارتا به‌جێیان هێشتووه. ئه‌وه دووه‌م که‌یسی تووشبون به نورۆفیبرۆماتۆزه که له ماوه‌ی ساڵانی رابردوودا ئاشکرا بووبێت. لای چه‌پی ده‌موچاوی سارۆتین‌ی 46 ساڵ ته‌مه‌ن تومۆرێکی گه‌وره روواوه که پێکهاتووه له ملوێنان تومۆر. سارۆتین خه‌ڵکی ئاوایی باندۆنگ‌ی رۆژاوای جاوایه‌و ده‌ڵێ توانایی دابینکردنی ده‌رمانه‌کانی نییه.
