زاگرۆس پۆست
محەمەد عەلی محەمەدیان ئەو موعەلیمە كوردەی شاری مەریوان كە ماوەیەك لەوەپێش لە هەوڵێكی بێوێنەدا‌و بۆ یارمەتیدانی قوتابیەكەی قژی خۆی تاشی، ئەنجومەنێكی بۆ نەخۆشە تایبەتەكان پێكهێنا.
ناوبراو رایگەیاند، تا ئێستا زیاتر لە 120 قوتابی لە پارێزگای كوردستان كە تووشی نەخۆشی تایبەت هاتوون ناسراون‌و هەموویان پێویستیان بە یارمەتیی مرۆڤدۆستانە‌و ناوەندەكانە.
محەمەد عەلی محەمەدیان ئاماژەی بەوەداوە، لە ماوەی رابردوو 30 بنەماڵە لە سەرتاسەری وڵات پێوەندیان پێوە كردووم كە منداڵەكانیان تووشی هەمان نەخۆشی ماهان هاتوون‌و خوازیاری چارەسەرێكی پزیشكین.
بۆیە ئەم موعەلیمە كوردە بە دامەزرانی ئەو ئەنجومەن داوای لە هەموو خەڵكی خێرخواز‌و ناوەندە جۆراوجۆرەكان كردووە كە بە مەبەستی چارەسەری ئەو منداڵە نەخۆشانە یارمەتیەكانی خۆیان بۆ ئەو ئەنجومەنە بەڕێ بكەن.
