زاگرۆس پۆست
لەماوەی ساڵی رابردوودا زیاتر لە 30 هەزار كەس بە هۆی بەكارهێنانی مادەهۆشبەرەكان لە ئێران گیانیان لەدەستداوە.
یەكێك لە بەرپرسانی ناوەندی بەناو بەرەوڕوبوونەوە لەگەڵ مادە هۆشبەرەكان ئاشكرایدەكات قاچاخچیانی مادە هۆشبەرەكان لە ترانزیتی جۆرەكانی ئەو مادەیە لەرێگەی ئێران 3 ملیار دۆلار قازانج دەكەن.
بەوتەی ناوبراو ئەمساڵ تا ئێستا دەست بەسەر 70 تۆن مادەی هۆشبەر گیراوە‌و ساڵی رابردوو 618 تۆن جۆرەكانی مادەی هۆشبەر دەستی بەسەردا گیراوە كە 2 تۆنی شیشە بووە.
پێشتر بەڕێوەبەری هەمان ناوەند رایگەیاندبوو كە زیاتر لە 3 ملیۆن‌و 700 هەزار كەس لە ئێران توشبووی مادە هۆشبەرەكانن، بەڵام ئامارە نافەرمییەكان نیشانی دەدات ژمارەیەكی زۆر زیاتر لە خەڵك توشی ئەو مادەیەن.
