زاگرۆس پۆست
بەهۆی بەردەوامی ئۆپەراسیۆنەكان لە باكووری كوردستان، هەدەپە، دانیشتنی رۆژی سێشەممە 5-1-2016 ی پەرلەمانی توركیای بایكۆت كرد.
بە پێی هەواڵەکان سەڵاحەدین دەمیرتاش، هاوسەرۆکی هەدەپە لە كۆنگرەیەكی رۆژنامەوانیدا كە لەبارەی بارودۆخی باكوور وتی: رێگەنادرێت راگەیاندنەکان بچنە ناوچە قەدەخەکراوەکان، چونکە تەرمی هاووڵاتیانی کورد لەسەر شەقامەکان ماونەتەوە.
هەروەها وتیشی 13 رۆژە تەرمی گەنجێک لەسەر شەقام کەوتووە و هێزە نیزامیەکانی رژیمیش رێگە نادەن تەرمەکان بە خاک بسپێرن.
دەمیرتاش لە درێژەدا وتی: سه‌رۆكوه‌زیران دەستەواژەی خه‌ڵكی ناوچه‌كه به‌كاردێنێت و ناڵێت گەلی كورد، كاتێك ئامادە نەبێت ناوی کورد بێنێت، چۆن مافمان پێدەدات. هەروەها وتیشی “ئەردۆغان و داودئۆغڵو هەموو یاساکان بۆ بەرژەوەندی خۆیان و حزبەکەیان بەکاردێنن.
جێگەی ئاماژەی کە گۆڕینی دەستووری توركیە پرسی گەرمی ئەمڕۆی وڵاتی توركیەیە كە AKP لەسەر خواستی “رەجەب تەیب ئەردۆغان” سەرۆك كۆماری توركیە ئاسانکاری بۆ دەکات.
